【箍牙日記】一個月紀念（撤花～） @ Regina;)

（以下有口腔照片所以提提大家，慎入！！！）

今日係正式上箍既一個月紀念日，對於預計兩年至兩年半既療程來講，其實一個月真係吾算得係啲乜，但我就好似熱戀期咁每日好細心地觀察牙仔們既走向、計下今日係我地係埋一齊既第幾日及十分認真擦牙（好重要！），其實上星期我忽然發現上顎門牙之間好似有條牙縫，而且雖然啲牙好似整齊左，但比以前睇落更哨既感覺，好似齊齊向前沖咁

爬文後先發現可能係因為我未剝牙，而且吾少鋼牙妹前期都有呢個情況，個心都即時定啲～長氣都要講多次，由於網上既箍牙日記可以話係我既精神食糧，所以希望自己都有機會幫到人，呵～

上集提到如無意外醫生應該係因為想我習慣上顎既鐵橋所以無將鐵線教太緊，Well...呢條鐵橋雖然食野會掛野係上面之外，其實沒有任何吾舒服既感覺，除左頭三日某幾隻牙有啲啲痺之外，可以話係零感覺～～由於開始一個月覆診一次，個心總係覺得好似怪怪地咁好想返去比醫生睇下...本來以為一個月應該吾會有啲咩變化，但身邊有一兩個朋友話我面形變左，比以前更加V左尖左，而我覺得可能係因為啲牙比之前哨既錯覺，今日做比較圖既時候發現上顎牙仔真係改變左吾少，下顎暫時黎請無乜反應所以就無特別整理啦...

以下係呢一個月黎既變化～～整完先發現第一張圖吾應該用Before，我係28March2016正式上箍哦～最明顯應該就係兩邊側門牙啦！原本兩位都係怕怕羞羞咁匿埋係後面，而家已經出黎同大家Say Hello啦～～～