【箍牙日記】5TH Consultation－可恨的智慧齒 @ Regina;)

（以下有口腔照片所以提提大家，慎入！！！）

最近既標準笑容～以前從來不會露齒笑既我，上箍後反而吾介意Show-off個牙箍啵，可能係因為微笑極度吾自然睇落個嘴漲卜卜咁！

由於前期準備工作已經完成，所以開始由兩星期覆診一次改為一個月一次，可能係我心多多...總覺得啲牙怪怪地。5月10日左右我發現右邊側門牙既位置比起門牙低左好多，而且右邊門牙飛左上去(見下圖)

所以忍吾住打電話返去醫生度問，好彩姑娘話依一種情況係初期都屬於正確既，雖然只係隔住個電話同姑娘講講大概情況，但個人都即時定返啲～～

吾知大家有無睇之前睇報告既個一篇，我下顎兩隻智慧齒雖然一直沉睡中，但X-Ray發現有橫生所以醫生都建議要剝，但由於接近神經線所以會完成箍牙療程後再處理 (【箍牙日記】2ND Consultation )，老老實實怕死既我默默打算敵不動我不動，就算箍完都好只要佢一日吾痛我一日都吾郁佢，呵...點知5月13日黑仔既我忽然食完晚飯感覺到牙肉有啲啲腫，本來以為係熱氣打算返工前去買支涼茶搞掂佢，殊不知第二朝起身感覺到上顎只生出一半既智慧齒可以咬到下面既牙肉，心知不妙...照鏡後發現右邊下顎智慧齒位置既牙肉腫起左，大概好似手指尾指甲既大細左右，手多既我用手指去整下佢居然仲有少少血水同白色既膿

正常情況應該盡快搵醫生但我見仲有兩日就覆診就自己去藥房買消炎藥，果然個天吾會對我咁好，消炎藥完全無用而且仲惡化左，黎到第三日已經升級到一節手指尾的大小，想搵醫生已經太遲因為當日係星期日，而且當日下午就係我認真工作中時聽到好細好細聲既"POP"一聲仲感覺到一下暖流，即時跑去照鏡無錯就係佢爆左，但吾係想像中既大爆炸只係有一個好似針頭咁細既傷口，不知道哪來的勇氣我拎起綿花棒將所以血水同膿推哂出黎，居然沒有太痛感覺相反因為變細了不會再被上顎既智慧齒插住，而我強大既求知慾即時上網搵到底發生咩事，依我估計應該係一樣叫做「冠周炎」後來亦有同醫生確認了～

終於等到5月16日我既第5次Consultation

一見到醫生第一句就當然係話比醫生知智慧齒既問題，情況就同上述講既一樣而且很容易覆發，但由於我暫時吾可以剝下顎既智慧齒，所以醫生建議一個暫時解決方案，就係橫豎遲早都要剝智慧齒不如先將上顎既剝左佢，提早的話起碼下顎再次發炎既時候吾會頂住！ＷＨＡＴ！！！我完全無心理準備！！我個下只可以口震震話我諗諗...雖然行得箍牙呢條路我就知吾可以怕剝牙，哈...但我直係好驚，還好醫生話發炎既位置已經穩定左，下次先都可以～

第三磨牙萌出過程中或萌出困難時，牙冠的一部分被游離的牙齦部所覆蓋，在牙冠與齦瓣之間形成盲袋(齦袋)，盲袋內經常有食物殘渣和細菌存留。這種局部條件使細菌易於生長、繁殖。若感冒、疲勞或其他原因致機體抵抗下降，或由於局部創傷(如對頜牙咬傷)等因素，可誘發智齒冠周炎。因下頜第三磨牙萌出常缺乏足夠位置而易形成阻生，故本病多見於該牙。臨床上常見的阻生情況有近中阻生、水平阻生和垂直阻生等。

講返正題，由於只係調緊所以醫生一樣係三兩下手勢就搞掂，過程中我忍吾住問醫生點解我啲牙好似比未箍之前更加哨呢

其實之前真係吾係咁，所以我無影低做對比，但而家真係哨到我有啲吾方便（見下圖），例如訓教會變成口張開、大笑完個箍會掛左係上唇度...醫生話由於要先將牙仔大概排列好先可以將佢地向入面推，但又吾夠位加上未剝牙所以佢地暫時只好齊齊向外沖，當剝完牙就吾會咁嫁啦～醫生答完呢個問題之後就默默投下爆炸性言論「下次返黎覆診可以剝牙啦！會分開左、右兩邊一次各兩隻到時會一次過打埋骨釘，你唯一可以選擇既就係先剝左邊定係右邊哦，哈哈～」，ＯＭＧ！我只能話心情太複雜吾知點形容，當然我好開心因為代表可以進入下一個階段（我自己分既階段

）但剝牙真係太恐怖啦！！

就係我腦海一片空白既時候忽然感覺到久違既酸軟感，今次應該係針對我下顎既牙多啲，不意外因為上顎既表面睇已經齊左好多！最後身為問題少女我亦按耐不住問醫生，點解我隻右邊門牙同側門牙會咁，原來係因為右邊側門牙之前匿埋係後面，所以要先用一條細鐡線拉住主鐡線將佢拉出，因為佢既位置未可以扣上大鐡線上所以個位置會怪怪地，但吾洗擔心好快佢就會拉上去，果然無錯覆診當晚我已經覺得佢個位正常左！可能睇下以下既比較圖會易啲明白～

每次睇完比較圖都會好振奮！上箍到而家只係快兩個月但就已經有咁大分別雖然而家係前所未有咁哨牙但已經好有成功感！今次既感覺舊係無上橡根圈（分離器）咁勁，只係第一晚吾太咬到野但大牙無酸軟感，所以不大影響正常飲食～而下一次既剝牙骨釘計劃會分別於6月3日及6月13進行，希望上天保佑我可以勇敢一啲！！最後送上5月10日及5月17日既牙齒狀況～