Regina;)

琴日去左染髮雖然影相吾覺但真人睇落去係灰綠色～係一大堆血腥相之前私心放一張好睇少少既自拍相！

無錯！琴日6月6日係我正式剝牙+骨釘既大日子，首先同大家報告係一啲都吾痛！

一啲都吾痛！一啲都吾痛！一啲都吾痛！

雖然已經重覆左好多次，其實拖到而家先箍牙完全係因為我兒時剝牙既陰影，但可能由決定一刻就知「無得返轉頭」，黎到要面對既一刻少不免有緊張但居然無驚，除左要多謝歷代箍牙日記之外就係意想不到既Inbox（其實我估吾到有人睇），老套啲講你地既鼓勵說話都比左好多信心我嫁！

今次會先剝左邊上下顎既第一臼齒，由於緊張係過程入面我採用盡量吾睇既方式扮無野，所以可能記憶有少少出入，第一步係先注射麻醉藥同食一粒特效止痛藥，醫生首先擦左啲野係會打麻醉針既地方，雖然無同醫生確認但我相信係麻醉藥，真心支麻醉針都幾大支，就係個一秒我決定盡量合埋眼！無記錯的話醫生一共打左4針左右，其實真係吾痛，唯一比較有感覺既地方係上顎啲牙後面，但我都吾會用痛去形容，要比較的話我覺得屋企樓下打感冒針仲痛！而且係一打就即痺左！手多多既我仲係咁個嘴~等麻醉藥發揮作用時，醫生就將要剝既兩隻牙上面粒釘同鐡線拆落黎，原來拆釘都要幾用力有一剎那我以為已經開始剝牙，之後既時間我淨係感覺到醫生轉轉剪剪咁……忽然間我感覺到我個頭搖左兩下然後有啲熱熱地咁，無錯我第一隻牙就係咁就剝完！由我意會到至剝左出黎大概只有三秒，當我係心入面默默咁感謝上天比我搵到個好醫生既時候，第兩隻亦係呢個時候剝埋，就係咁快！靚！正！我默默咁問醫生搞掂啦？醫生仲笑笑口咁話搞掂啦「係咪又快又吾痛呢？你見我都無乜出力，如果未箍之前同你剝就辛苦好多啦！」之後大概咬左紗布一分鐘就連血都止埋。

 (為免太血腥相片做左點手腳～醫生話我隻牙都算幾長！)

最後就到重頭戲－骨釘，之前幾篇就已經有輕輕提到骨釘 ( 回顧按此 )，我仲有爬到少少資料大家有興趣可以睇下～

1. 骨釘是什麼?    

迷你骨釘 (簡稱骨釘，如上圖圓圈中者) 是植入齒槽骨的臨時性迷你植體。骨釘是固定在牙齒上方的齒槽骨上，提供強而有力的、較穩固的錨錠支撐，幫助牙齒往期望的方向移動，好比在牙齒後方打樁加強矯正力使矯正拉力。骨釘並不是拿鐵鎚敲打而是像螺絲一樣，將骨釘旋轉入骨頭內加上局部麻醉，其實過程並不繁瑣，不會有流血不止的狀況，加上骨釘的直徑相當小，幾乎都不超過2mm。因為功能優越，植入簡單，近年來已成為矯正治療日漸普及的輔助工具。矯正結束後便會移除骨釘，而骨釘缺口會自行復原長好。國內外研究報告都顯示骨釘可以安全有效地幫助矯正治療。

2. 骨釘的功能是什麼? 什麼情況需要用骨釘嗎?　

它的功能是提供施力的固定源，幫忙拉動牙齒。在改正暴牙、露齦笑、深咬、臼齒過度萌出、齒列需後退等情況，都有很好的療效，可以達成傳統矯正很難做到的效果。其中，臨床上最常應用的大概就是暴牙的案例；有了骨釘，24小時都在幫你將牙齒往後拉動，改正暴牙臉型。

3. 種骨釘會痛嗎? 

植入過程在局部麻醉下進行，快速簡單，其實不太有感覺，不用過度擔心喔!

4. 骨釘要怎麼照顧呢?　

骨釘也要以牙刷清潔，維持周圍軟組織的健康，減少發炎鬆脫的機會。少數人的口腔黏膜可能會感到一些異物感，如果需要的話，可以以白蠟覆蓋骨釘，或是套上橡皮圈減輕不適。

我既情況係上顎打2支（即上圖上顎位置），將會分開兩次完成而今日先打左邊，醫生之前提到可以的話想打4支但耐何我下顎無位打吾到，由於我太熱愛爬文只有非常少數人覺得吾痛吾辛苦（包括身邊朋友），所以真係有啲擔心，係我好奇想睇又好怕見到啲儀器驚餐死，未開始前我偷睇左一次！第一眼見到係一把螺絲批、第二眼係一條都幾長應該係鐡線之類，之後我就無勇氣睇第三眼haha...印象中醫生先係我個口到整左啲野之後照左一次X-Ray，確認落釘既位置無問題就開始上骨釘，全過程應該2-3分鐘，我有感覺到醫生好用力，因為佢每次用力我個頭就跟住個個方向郁，但就只係咁！因為我真係完全一啲感覺都無，係一丁點感覺也沒有！不論係當下我覺得有啲太難以置信，所以我仲超認真用心去感受係咪真係一丁點痛都無haha..當然係無！所以大家吾需要擔心勇敢去打骨釘啦！最後當然要問點保養傷口，簡單黎傷口有血絲係正常，只要吾好食煙、吾好成日漱口就可以，亦無特別需要介口之類！

 (拉扯既嘴唇太肉酸忍吾住打格仔)

完成哂今日既任務睇睇時間先晏晝一點幾，一直都抽吾到時間去染髮就係咁我決定膽粗粗出發。由於麻醉未退我一直都覺得自己變左孖潤腸同流口水（其實真係無）我一直都戴住口罩，之後一路整就一路擔心如果退左麻醉好辛苦咁點算...結果下午五點左右退麻醉至我入睡前都沒有一絲痛，本應六點半食既止痛藥亦無食真係無需要，但安心起見睡前我都食定一粒止痛藥打底！黎到今日已經係第三日，我幸運地莫講止痛藥就連一丁點吾舒服都無，一定要講就只有我Show-off粒骨釘時會有啲扯扯下咁而呢住感覺仲細過生飛滋！

我正式宣佈我以後都吾驚睇呢一個牙醫！

下星期一（6月13日）就轉到右邊  祝福我好似今次咁順利啦，最後最後分別係6月2日同6月7日既牙齒狀況～