(以下有口腔照片所以提提大家,慎入!!!)

 

(首圖就超嚇人)

 

上次骨釘加剝牙體驗之後,隔左約一個星期左右就去處理右邊,由於步驟等等都係一樣所以就無同大家Update啦!如是者,627日係我第一次剝智慧齒既日子,少不了有啲緊張上一次覆診醫生就已經有提到,智慧齒同前四隻小臼齒吾同,由於無利用箍牙既力去先整鬆,所以會明顯感覺到醫生出力啲  其實過程一樣好快, 但係分離嘅嗰一刻明顯地痛左一下, 嚇到我都叫醫生等等 點知原來已經搞掂!雖然一樣吾痛但對比四隻小臼齒今次感覺好明顯大好多!

 

開始剝牙齒前醫生先幫我洗牙,忽然發現有啲嘢頂住個上唇,冇錯我又有新儀器!之後雖然睇唔到但絕對知道醫生將啲鐵線調緊中,久違嘅酸軟感!完成後我先發現條鐡線粗左  而且綁法同之前吾一樣哦!以我爬咁多文既經驗,應該係終於要向入推啦!下次再同醫生確認一下先~

 

 

之醫生開始將我口入面嘅新儀器用橡筋連結去骨釘嘅嗰一刻,我只能夠形容係一個全新嘅感受,好似有一個人企咗喺你啲牙上面跳跳下咁,由箍牙開始 咁多次覆診剝牙洗牙上箍, 我都冇嗌過一聲,但個一剎那我都忍唔住叫左出黎,但放心當扣左落去嘅嗰一秒就冇呢一種感覺,變回平時覆診調緊後嘅感覺。好不容易完成右邊,處理左邊時我明顯感覺到痛過右邊好多由我箍牙開始我從未用過痛字形容   就係我拼命忍耐嘅時候醫生忽然停左手,原來不幸地我左邊粒骨釘生唔穩,雖然打骨釘嘅時候醫生就有提到大部分骨釘喺拉嘅過程都會鬆脫,但估唔到我都未開始拉就已經甩咗,好彩醫生話都有個暫時嘅解決方法, 不過下次返嚟覆診都係要再打過……雖然打骨釘係吾痛又唔使另外收費,但唔希望有任何問題影響療程,我默默咁祈求下次打嘅覺得一定要撐得穩穩陣陣!

 

 

最後數數手指原來我已經上箍三個月有多, 睇返之前啲相真係已經差好遠,為左更明顯我又整左啲對比圖

 

 

首先係殺傷力最低既上顎正面,當咁樣睇就好明顯見到雖然整齊左好多但真係越來越哨!而最後兩相係剝後影,希望係我最「哨既極限。

 

 

顎同正面圖睇既方向吾一樣,麻煩跟住啲箭咀睇啦~咁睇先發現牙仔你地真係郁得好快!而且吾知係咪角度問題後期居然好似有啲變左正方形...

 

 

最可怕既下顎正面,睇返第一張既Before真係講呢個到底係邊個黎嫁  我點可以頂到廿幾歲先箍牙嫁!!

 

 

下顎比對圖,講真自己日日睇總覺得下顎郁得好慢,做完對比圖先發現其實真係差好遠!強力建議大家有意箍牙的話一定要經常幫牙仔影相,每次做完對比圖啲動力又反哂黎!!6月27日係我第8次既Consultation,之後開始回復正常一個月左右返去覆診一次~今個六月我一共剝左5隻牙  幾乎個個星期都要見醫生,就連屋企人都問我咁剝法吾辛苦咩,真係要多謝個天比我遇到個好醫生!完全一啲都吾辛苦!如無意外下一次剝牙應該係箍完之後嫁啦!

 

係整牙既過程入面我開玩笑同醫生姑娘講:我真係覺得我個口而且超高科技仲非常後現代主義,姑娘話:未算多嫁啦!有啲情況下顎位置都要整上顎個條橋嫁,點知醫生默默咁講:你都要嫁!只係未係時候,呵...我都預左嫁啦!衰野都會無我份既呢!最後以下係我6月27日既牙齒狀況~

 

arrow
arrow

    Regina;) 發表在 痞客邦 留言(9) 人氣()